.
Subscribe my articles from SELaplana:
Delivered by FeedBurner
 

Condom, Pills and Manila City

Minsan, mahirap paghaluin ang religion at ang pamamahala sa isang lungsod. Lalo na kung ang gawing basihan ay ang maling paniniwala o interpretasyon sa mga nakasulat sa Biblia. Okay lang sana kung ang ginamit o in-apply sa kaniyang pamamahala sa lungsod ay ang mga katotohanan, take note, katotohanan at hindi twisted na katotohanan, na nakasulat sa Biblia.

Gamitin nating halimbawa ang pamamahala ni Mayor Lito Atienza sa Lungsod ng Maynila. Sa kasalukuyan ay pinagbabawal sa nasabing lungsod ang paggamit ng mga artificial na paraan sa family planning, gaya ng condom, pills at iba pa dahil labag daw ito sa katotohanang nakasulat sa Biblia ukol sa sex.

E, ano naman kaya ang natutuhan niyang aral ng Biblia para sabihin na labag sa katotohang nakasulat sa Biblia ang artificial na paraan ng family planning? At kanino naman kaya niya natutuhan ang aral na ito?

Ayon sa isang residente ng Lungsod, itinuro daw sa kanila na ang mga contraceptives at condom ay isang paraan ng abortion, kaya ipinagbabawal sa kanila ang paggamit ng mga katulad nito. Kung totoong itinuro sa kanila ang ganito at pilit silang paniniwalain sa ganitong turo, ay masasabi kong hindi na ito pagtuturo ng katotohanan kundi isa na itong pambri-brainwash. Hindi na ito isang paraan ng pag-educate sa mga tao kundi isang paraan ng panlilinlang.

Ang paggamit ng contraceptive lalo na ng condom ay hindi maituturing na abortion lalo na kung ito ay ginamit sa tamang paraan. Paano magkaroon ng abortion kung ang condom ay ginagamit lamang para harangin ang mga semen para maiwasann ang fertilization ng itlog ng babae? Mayroon bang abortion kung walang fetus?

Kung nais nilang i-promote ang natural family planning, then kailangan nila itong gawin ng walang halong panlilinlang. Ituro nila ang tamang paraan ng paggamit nito at ipaunawa din nila sa mga tao ang mga advantages at disadvantages nito ikumpara sa artificial na paraan ng family planning. Pagbutihin nilang i-promote ito, pero huwag naman sanang pagbawalan ang mga tao na gumamit ng kabilang paraan.

Ewan ko kung naaawa ba si Mayor Atienza sa mga taong kaniyang nasasakupan o hindi. O baka naman natutuwa siyang makita ang kaniyang mga residente na lalong naghihirap dahil sa hirap ng pagdadala ng pamilya na may maraming anak?
 

Philippine Economy

Sabi nila bagsak na raw ang Philippine Economy. From stable status daw ngayon negative na. Kaya according to them, the best solution daw, Gloria must resign.

Ohhh! Ganoon! Bakit ba kay Gloria natin isisisi ang lahat ng ito? Bakit hindi natin sisisihin ang ating mga sarili.

I know that you know na even sa start pa lamang ng panunungkulan ng Presidente ay ginawa na niya ang lahat niyang makakaya para maiaangat ang ekonomiya ng bansa at nakikita din natin ang development nito. And as proof, our economy was on the stable status na.

But, bigla lumabas ang mga naghahanap ng butas. At alam niyo kung anong naging resulta ng mga paghahanap ng butas sa panunungkulan ng Presidente? Ito ang dahilan ng pagbagsak ng ating ekonomiya.

Sabi nila kaya nga daw, pababain na si Gloria para maiangat muli ang ating ekonomiya! Ang tanong ko naman, sigurado kaya kayo na maiangat muli o baka lalo lang mapabagsak?

Nais natin ng kapayapaan at pag-angat ng ekonomiya ng bansa, pero paano natin maabot yan kung tayo ay hindi nagkakaisa. Alam niyo, tayo din mismo ang gumagawa ng paraan para hindi natin maabot yang mga pinapangarap natin e.

Iisa lang naman talaga ang paraan para magkaroon ng realisasyon ang ating mga pangarap e. Ito ay ang pagkakaisa nating lahat bilang Filipino.

Tungkol sa sinasabing panloko ni Gloria sa Eleksiyon, ba't pa ba natin paguguluhin ang bansa natin. Meron naman tayong justice system a. Ba't ba di natin hayaang lumabas ang hustisya sa tama at maayos na paraan? Kung ganitoganito na lamang tayo, sigurado akong hanggang pangarap lang talaga yang mga pangarap natin ukol sa ating bansang Pilipinas.

Pero masingit na nga. Alam niyo ba na itong nangyari sa ating bansa ay hindi bagong bagay? Ang totoo, simula pa sa panahon ni Gen. Aguinaldo at Bonifacio ay ganito na to e. Baguhin kaya natin ang style natin wag na nating gayahin yung mga kinikilala nating bayani, pero nag-aagawan naman ng yaman ng bayan. Hindi niyo ba alam ang history na ito? Well di ko kayo masisisi, dahil sinadyang itago ito ng mga historian at ng ating Gobyerno dahil hindi magandang larawan para alalahanin ng mga bagong henerasyon ng mga Pilipino.
 

Ang Presidente Ng Pilipinas

Alam niyo, kung maghahanap na lang lagi tayo ng butas sa isang Presidente ng Pilipinas, nasisiguro akong wala nang magandang mangyayari sa ating bansa. Bakit ko nasabi ito?

Ang totoo, wala naman talagang mapipili tayo sa lahat ng mga politikong iyan e. Sa panahon ng kanilang pagtakbo para sa isang posisyon sa gobyerno, maaaring sasabihin nila nais nilang maglingkod sa bayan kaya sila tumakbo sa panahon ng halalan. Pero, paglilingkod ba talaga ang nais nila?

99.99% ng mga politikong nanungkulan sa ating gobyerno ay may pansariling habol sa mga posisyon na yaon. Maaring sa simula ay malinis ang kanilang pagpapatakbo sa kanilang opisina pero sa bandang huli kung ating sisilipin ang pinakamaliit na butas, makikita natin, ang mga bagay na hindi natin magugustuhan. Bakit?

Natural. Tao lang tayo di ba? At walang perpekto na tao na habang nabubuhay sa mundong ito ay hindi nakakagawa ng mga pagkakamali.

Ngayon balik tayo sa ating Presidente. Maari ngang may ginawa siyang hindi maganda, pero yun kayang nagrereklamo ay wala din kayang nagawang hindi maganda? O sige sasabihin natin na nanloko siya noong nakaraang halalan (pero hindi ko sinasabing totoo ito.), ang tanong, siya lang kaya ang nanloko o lahat ng mga kumamdidato ay may mga kalokohang ginawa?

Gawin kong halimbawa ang halalan na nangyari sa Malitbog, Southern Leyte na kung saan doon ako bumoto at doon ko nasasaksihan ang mga kalokohan ng mga politikong nais manungkulan sa ating bayan. Ang tumakbo doon sa pagka-Mayor ay magpinsan. Magpinsan yan ha, pero dahil sa eleksyon, nagsisiraan at naglalantaran ng kanikanilang mga baho.

Ang mga kasambahay ko ay pumapanig sa kasalukuyang Mayor at alam mo ba kung magkano ang tinanggap nila dito? Well! 300.00 Pesos lang namang ang bawat isa sa kanila. E yung mga pinsan ko na boboto sa kabila, ay tumanggap din ng 200.00 Pesos. Ang ganito kayang gawain ay maganda para sa isang manunungkulan sa bayan?

Huh! Kung sa pagtakbo pa lamang para sa isang posisyon sa gobyerno ay gagastos ka ng ng milyunmilyon, ano kaya ang iisipin mo kung nasa posisyon ka na? Makokontento ka na lang sa sweldo mo na kung susumahin ay sobra ang liit kumpara doon sa ginastos mo noong ika'y tumakbo pa lamang?

Kaya, itong ating mga Presidente, hindi maiiwasan na maaring tatanggap yan ng anumang suhol mula sa kung anu-anong agensiya. Bakit? E tao lang yan at may pagkakataong nasisilaw sa salapi. At kung matatag man siya ay nahuhulog din ito sa kanilang mga utang na loob. Wow! Walang mapagpilian di ba?

E ano ang dapat nating gawin? Simple, tayong mga ordinaryong mamamayan ang dapat unang magpakalinis. Sa panahon pa lamang ng halalan ay piliin natin ang kandidatong may malinis na hangarin. At siyempre hindi tayo makakapili ng kandidatong may malinis na hangarin kung tayo mismo ay hindi magpapakalinis.

Anong ibig kong sabihin? Na huwag nating molestiyahin ang mga kumandidato. At ang kandidatong hindi minomolistiya ay hindi rin nagpapamolestiya siyempre, na ito ang isa sa palatandaan ng isang kandidatong may malinis na hangarin sa bayan.

Sang-ayon ba kayo sa akin? Well, salamat. Pero kung hindi, maari niyo akong murahin.
sss.gov.ph SSS Online Inquiry System | Pinoy Scandal, Pinay Scandal
Search Lyrics by Artists: 0-9 - A - B - C - D - E - F - G - H - I - J - K - L - M - N - O - P - Q - R - S - T - U - V - W - X - Y - Z